კომპანია „აზიმუტი“ ქართულ სამშენებლო ბაზარზე 1993 წელს გამოჩნდა და იმთავითვე, პროფესიონალთა ჯგუფმა, ბატონი თეიმურაზ ნიკოლეიშვილის თაოსნობით, „აზიმუტის“ სტრატეგიად, ქვეყანაში სამშენებლო საქმის აღორძინება და განახლება დაისახა.
„აზიმუტი“ - დამფუძნებელი ლეილა ნიკოლეიშვილი, პრეზიდენტი თეიმურაზ ნიკოლეიშვილი - თავდაპირველად, ცემენტსა და სხვა სამშენებლო მასალებს აწარმოებდა, თუმცა საქმიანობის გაფართოების შემდეგ, მშენებლობა გახდა მისი ძირითადი პროფილი და თავიდანვე დაისახა მიმართულება: ხარისხი უპირველეს ყოვლისა. ამის საფუძველი კი კვალიფიციურ სპეციალისტთა გუნდის გამოცდილება და მაღალი ხარისხის სამშენებლო მასალა გახლდათ, რომელთა მნიშვნელოვან ნაწილს „აზიმუტი“ თავადვე აწარმოებდა, ნაწილს კი მხოლოდ სანდო პარტნიორთაგან შეისყიდდა. აქვე აღსანიშნავია, რომ „აზიმუტის“ ცემენტსა და ბეტონს, რომელსაც კომპანია საკუთარ ქარხანაში ორიგინალური ტექნოლოგიით აწარმოებდა, ISO-ს ხარისხის ნიშანი ჰქონდა მინიჭებული და ქართულ ბაზარზე კონკურენტი არ ჰყავდა.
„აზიმუტის“ კურსმა გაამართლა და მცირერიცხოვანი სამუშაო გუნდით აღებულმა სტარტმა, დღეს უკვე 150-მდე მაღალპროფესიონალი კადრი შეადგინა - წარმატებით მუშაობს შვილობილ კომპანიებთან ერთად და პროფილიც გააფართოვა: სამშენებლო სფეროს ყველა ასპექტი მოიცვა - პროექტირება, მშნებლობა, დეველოპმენტი, რასაც კომპანიის ფინანსური დამოუკიდებლობა და მოქნილი მენეჯმენტიც ამყარებს.
მისია
„აზიმუტის“ მიზანია უფრო მაშტაბური, ინოვაციური, მოხმარებელლის კომფორტზე მაქსიმალურად მორგებული პროექტების შესრულება. კომპანიის გაძლიერება გამოცდილებისა და ხარისხის გაუმჯობესების მიმართულებით, სწორედ ეს გზა მიგვიყვანს კომპანიის საბოლოო მისიამდე: მაღალი ხარისხის პროდუქტის შექმნით და სტანდარტების დანერგვით საფუძველი ჩაეყაროს საქართველოში სამშენებლო ბაზრის დონის ამაღლებას.