რა თქმა უნდა ყველა გოგონას აქვს გარკვეული უპირატესობები მაკიაჟში და იცის ის, რაც მას ყველაზე მეტად უხდება, იქნება ეს კლასიკური მაკიაჟი, მკვეთრი ფერები, მსუბუქი თუ ა.შ., მაგრამ ქორწილის დღე ხომ ყველაზე გამორჩეულია და რაღა თქმა უნდა, თქვენ უნდა გამოიყურებდეთ ისე, როგორ არასდროს. ამიტომ, მოდით გავეცნოთ როგორც ამ, ასე მომავალი წლის საქორწილო მაკიაჟის ტრენდებს და გავიგოთ რას ფიქრობენ Makeup არტისტები.

დღესდღეობით ნაზი და ბუნებრივი საქორწილო ლუქი - ეს თანამედროვე პატარძლების უპირობო ფავორიტია. იშვიათად თუ ვინმე წყვეტს მაკიაჟში შეიტანოს მკვეთრი ისრები და ბრჭყვიალები, რომლებსაც ჩვენ ვხედავთ სხვადასხვა ჩვენებებზე. და მაინც, ტრენდული მაკიაჟი ნელა, მაგრამ მართებულად იპყრობს თამამი გოგონების გულებსა და საქორწილო სტილისტიკას. მაშ ასე, გავეცნოთ მთავარ ტრენდებს და გავცეთ ხშირად დასმულ კითხვებს პასუხები.

ნუდ ფერები თუ ფერთა ბუნტი?

ნუდ ჩრდილები - ბეჟი, ატმისფერი, ვარდისფერი -  კვლავ რჩებიან, როგორც ყველაზე პოპულარულები საქორწილო მაკიაჟში, მაგრამ არის სიტუაციები, როდესაც პატარძლის მკვეთრი მაკიაჟი სრულებით გამართლებულია.

რა თქმა უნდა მომავალ წელსაც გაგრძელდება ნატურალური ლუქისკენ მისწრაფება, მაგრამ ეს არავითარ შემთხვევაში არ ნიშნავს, რომ პატარძლები შეწყვეტენ მკვეთრი აქცენტების არჩევას მაკიჟში. უმეტეს შემთხვევაში ის მისაღები იქნება კონცეპტუალურ ქორწილებში, სადაც იდეა, დეკორი და ლუქები ერთმანეთს ჰარმონიულად შეავსებენ. ახლა ისრაელიდან და ამერიკიდან მოდის ასეთი მონოქრომული მაკიაჟის ტრენდი, რაც გულისხმობს - ტუჩსაცხი, ჩრდილები და რუჟი ერთ ფერში. ასეთი მაკიაჟი გამოიყურება ძალიან დახვეწილად და ახლებურად, უდავოდ შესაფერისია იმ პატარძლებისთვის, რომლებიც მოდურ ტენდეციებს მისდევენ და სურს ქორწილში მაქსიმალურად აქტუალურად გამოიყურებოდნენ.

სქელი ტონი თუ ბუნებრივი დაფარვა?

ჯერ კიდევ რამდენიმე წლის წინ პატარძლებს ასეთი კითხვა არ გაუჩნდებოდათ. ქორწილი - ეს გრანდიოზული ღონისძიებაა, კანი უნდა გამოიყურებოდეს იდეალურად, აქ კი ჩნდება კითხვა, როგორ შეიძლება გავაკეთოთ ეს სქელი დაფარვისა და კონტურინგის გარეშე? ვიზაჟისტების პასუხი ასეთია: შეიძლება. ბუნებრივი სილამაზე ახლა ყველაზე ტრენდულია, პატარძლებს სურთ იყვნენ ისეთები, როგორებიც არიან, ამიტომ ახლა პირველ რიგში რაც არის ტრენდული, ეს არის სწორედ მსუბუქი დაფარვა და გაცისკროვნებულ კანი.

ვიზაჟისტები დარწმუნებულები არიან, რომ პატარძლების უმრავლესობა სამომავლოდ უფრო და უფრო მეტად მიმართავენ სწორედ მსუბუქ და ჰაეროვან ლუქებს. ნახევრად გამჭირვალე, ოდნავ მბზინავ ტონებს, რომლებიც დელიკატურად ფარავენ კანის პატარა ნაკლებს, მაგრამ არა ჭორფლებსა და ხალებს.

Smoky eyes თუ სუფთა ქუთუთო?

პოდიუმური ტრენდები ასეთია - გაჯერებული ფერადი ჩრდილები, ან პირიქით, სუფთა ქუთუთო, დაფარული მხოლოდ გამჭირვალე მბზინვარებით - უკვე რეალურ ცხოვრებაშიც ხშირად გხვდება. საქორწილო ლუქში მკვეთრი და მკაფიოდ გამოხატული მუქი ფერები კი ნელ-ნელა კარგავს აქტუალურობას.

პატარძლები უპირატესობას თვალების გამომხატველ მაკიაჟს მიანიჭებენ, მაგრამ არა ფერთა ბუნტით და მძიმე ჩრდილებით. მბზინვარე ქუთუთო, წვრილი თვალის ისრები და ფუმფულა წამწამები - თანამედროვე მაკიაჟის ფავორიტია.

მქრქალი (მატოვი) ტუჩსაცხი თუ მბზინვარება?

არჩევანი მქრქალ და მბზინვარე ტუჩსაცხს შორის იგივეა, როგორც მარმელადსა და შოკოლადს შორის: ეს გემოვნებაზეა დამოკიდებული, მაგრამ თუ გავითვალისწინებთ ტრენდებს, უპირატესობა უდავოდ მსუბუქ, მბზინვარე ტუჩსაცხებს ენიჭებათ.

ვიზაჟისტები ფიქრობენ რომ, ტუჩებზე აქტუალური მსუბუქი და ნაზი ფერები იქნება. მქრქალი და სქელი ტექსტურები, ადგილს მსუბუქ და სველ ტუჩსაცხებს უთმობენ.