ყველაფერი ასე იწყება - 1559 წელს შოტლანდიის დედოფალმა მერიმ (მერი სტიუარტი) საფრანგეთის მეფე ფრანცის მე-2-ზე ქორწინებისას თეთრი ფერის კაბა მოირგო. მოგვიანებით, ტრადიციის დამკვიდრება დედოფალ ვიქტორიას მიეწერება, რომელმაც 1840 წელს პრინც ალბერტზე დაქორწინებისას არჩევანი თეთრი ფერზე შეაჩერა. მე-19 საუკუნის ბოლოსათვის კი თეთრი ფერის საქორწილო კაბა ელიტური ქორწილების განუყოფელ ნაწილად იქცა, ატლანტის ოკეანის ორივე მხარეს. თუმცა ბრიტანეთისა და ამერიკის მოსახლეობის საშუალო კლასს ეს ტრადიცია მეორე მსოფლიო ომის დასრულებამდე არ მიუღიათ. გამომდინარე იქიდან, რომ თეთრი ფერი ერთგვარად უმნაკოების, უბიწოებისა და ჭეშმარიტების გამოხატულებად ითვლება, საუკუნეების გასვლის შემდეგაც კი პატარძლებს უწევთ ყოველგვარი არჩევანის გარეშე საკუთარ ქორწილში თეთრი ფერის კაბა მოირგონ. თუმცა არასდროს ისმის კითხვა... რომელია მათი ბედნიერი ფერი? იქნებ ზოგიერთი მათგანისათვის ჭეშმარიტი სიყვარულისა და უმანკოების სიმბოლო ყვითელი ფერია?

ფოტოზე: დედოფალი ვიქტორიასა და პრინცი ალბერტის ქორწილი.

 არსებობენ ვარსკვლავები, რომლებმაც უარი თქვეს თეთრი ფერის საქორწილო კაბაზე და მათი ცხოვრების ერთ-ერთ უმნიშვნელოვანეს დღეს ფერადი კაბებით გამოჩნდნენ ხალხის წინაშე. ეს ყველაფერი თქვენი არჩევანია. ზოგიერთი ადამიანი ბავშვობიდან ოცნებობს თეთრი ფერის საქორწილო კაბის მორგებაზე... ზოგიერთისათვის კი ფერს მნიშვნელობა სულაც არ აქვს. ბევრი, რომ არ გავაგრძელოთ გთავაზობთ ჩვენთვის კარგად ნაცნობ ვარსკვლავებს, რომლებმაც უარი თქვეს საუკუნეობრივ ტრადიციაზე.

  ჯესიკა ბილი

   მსახიობმა, ჯესიკა ბილმა, და მომღერლმა და მსახიობმა, ჯასტინ   ტიმბერლეიკმა, საქორწილო ფიცი იტალიაში, ზღვისპირა ზღპარულ   რეგიონ, აპულიაში, 2012 წელს გაცვალეს. მსახიობს იტალიელი   დიზაინერის, Giambattista Valli-ის, მიერ შექმნილი პასტელური   ვარდისფერი კაბა ეცვა.

მენდი მური

This Is Us-ის ვარსკვლავმა, მენდი მურმა, Rodarte-ს მოდის სახლის მიერ შექმნილი ღია ვარდისფერი, ყვავილებითა და „კოპლებით“ გაფორმებული ღია ვარდისფერი კაბა მოირგო. მსახიობი სტერეოტიპების დარღვევას არ უშინდება, ამიტომ  ტრადიციული თეთრი ფერის კაბა, როგორც აღმოჩნდა მისთვის კომფორტული სულაც არ იყო.

  გვენ სტეფანი

  გვენ სტეფანსა და როკვარსკვკლავ, გავინ როსდეილს, 2002 წელს 2 საქორწილო   ცერემონია  ჰქონდათ, ლონდონსა და ლოს ანჯელესში. გვენს ბრიტანელი მაესტროს, ჯონ   გალიანოს, მიერ შექმნილი თეთრი და ვარდისფერი ომბრეს ეფექტის მქონე კაბა ემოსა.

ელიზაბეტ ტეილორი

ელიზაბეტ ტეილორისა და რიჩარდ ბარტონის 2 ქორწილიდან ერთ-ერთში მსახიობს ყვითელი ფერის კაბა ეცვა.

   ენ ჰეთეუეი

  ენ ჰეთეუს საოცნებო საქორწილო კაბა თეთრისა და ვარდისფერის   შერწყმით ლეგენდარული მოდის სახლის, Valentino-ს, მიერ არის   შექმნილი. კაბა სპილოსძვლის ფერი აბრეშუმისა და ე.წ „ტულეს“   ქსოვილით არის შეკერილი , რომელსაც ხელნაკეთილი აბრეშუმისაგან დამზადებული ყვავილები ამშვენებს.

   კაბის ქვედა ნაწილის ფერი კამათის საგნად იქცა, თუმცა მას შემდეგ   რაც ვალენტინოს მოდის სახლმა კაბის ესკიზი გაასაჯაროვა, ცხადი   გახდა რომ ის ნამდვილად ვარდისფერი იყო.

ემა ტომფსონი

1989 წელს ბრიტანელი მსახიობი, ემა ტომფსონი, საკუთარ ქორწილში უჩველო და არატრადიციული, ფერადი მოკლე კაბით გამოცხადდა.