ბრიტანულ სამყაროში, სამეფო ქორწილი ძალიან დიდი ღონისძიებაა, სადაც ყველა დეტალი გაწერილია. თითოეული ტრადიცია მკაცრად უნდა იყოს დაცული, როგორც ნეფე-დედოფლის, ასევე მოწვეული სტუმრების მხრიდან. აქედან გამომდინარე ყოველთვის საინტერესოა, თუ როგორ წარდგებიან ასეთ გახმაურებულ ქორწილში, საზოგადოებისათვის კარგად ცნობილი სახეები და დაამახსოვრებენ თავს თავიანთი ჩაცმულობით მათ გულშემატკივრებს.

გთავაზობთ ჩვენთვის კარგად ცნობილი სახეების  საუკეთესო ლუქს სამეფო ქორწილებიდან.

დედოფალი ელიზაბეტ II

დედოფალი ელიზაბეტი ყოველთვის გამოირჩევა თავისი ღია ფერის, ფერადი სამოსით.

მისი შვილიშვილის ვილიამის ქორწილში მან ყვითელი ფერი მოირგო, რომელსაც ასევე ყვითელი ქუდი შეუხამა, ასევე აღსანიშნავია მისი ბროში საკუთარი კოლექციიდან.

ქეით მიდლტონი

საკუთარი ქორწილიდან რამდენიმე თვის შემდეგ უილიამი და ქეითი დაესწრნენ მაიკ და ზარა ტინდალის, დედოფლის უფროსი შვილიშვილის ქორწილს.

ქეითმა კრემისფერი მანტო მოირგო, ყვითელი ნაქარგებით, რა თქმა უნდა მთავარი შემადგენელი ნაწილი სამეფო ქორწილისა, ქუდიც არ დავიწყებია.

ამალ კლუნი

ჯორჯ და ამან კლუნი ესწრებოდნენ პრინც ჰარისა და მეგანის სამეფო ქორწილს.

ამალ კლუნი სტელა მაკკარტნის ყვითელ კაბაში თავზე შლიაპით ნამდვილ მზის ბრწყინვალებას ჰგავდა.

ელტონ ჯონი

ელტონ ჯონი პრინც ჰარისა და მეგან მარკლის სამეფო ქორწილში, როგორც ყოველთვის მომხიბვლელად გამოიყურება, თავისი ღია ფერის ჩრდილებით.

ვიქტორია და დევის ბექჰემები

ვიკტორია და დევიდ ბექჰემები ნამდვილ სიძლიერესა და აკადემიურობას აფრქვევდნენ ჰარისა და მეგანის სამეფო ქორწილში.

კარლ ლაგერფილდი

კარლ ლაგერფელდი დაესწრო პრინცი ალბერტ II- ისა და პრინცესა შარლენის ქორწილს.

შანელის კრეატიულმა დირექტორმა თავის მოდურ ლუქს შეუსაბამა ხელთათმანები და გულსაბნევი.

ჯორჯო და რობერტა არმანი

მონაკოს სამეფო ქორწილში ჯორჯო არმანს თან ახლდა მისი დისშვილი რობერტა.

მოდის მამა ჯორჯო არმანი შესანიშნავად გამოყურებოდა ვერცხლისფერ ჟილეტსა და ჰალსტუხში, ხოლო რობერტა კი თვალს მოგჭრიდათ მისი ულტრა მოდური ყავისფერი კაბით.

პრინცესა დაიანა

პრინცესა ცნობილი იყო თავისი სტილით, მოდურობით, ამას ნამდვილად ამტკიცებს მისი ლუქი 1988 წელს, იგი დაესწრო ჯულია როლინსონისა და ჯეიმს ოგილვის ქორწილს.

პრინცესა დიანა სახეა ნამდვილი კლასიკისა, იგი ატარებს თეთრ კაბასა და ქუდს, ნაცრისფერ ქურთუკს და მარგალიტის აქსესუარებს, რაც სიძლიერის ნიშანია.