ქორწილის დაგეგმვისა და ორგანიზების დაწყებამდე, გირჩევთ ორივემ (წყვილმა), აუცილებლად ერთობლივად განიხილოთ და უპასუხოთ ამ მნიშვნელოვან და საჭირო კითხვებს, რომლებიც აუცილებლად დაგეხმარებათ ერთ-ერთი უმნიშვნელოვანესი დღის უნაკლოდ ჩატარებაში. კომუნიკაციის დროს კი შეგიძლიათ გამოიყენოთ wedder.ge-ს ორი, უნიკალური სერვისი - ბიუჯეტის კალკულატორი, რომელიც ქორწილის საშუალო ხარჯს ითვლის და პრიორიტეტების მიხედვით გიჩვენებთ, სად მეტი ან ნაკლები თანხის დახარჯვა მოგიწევთ; სამზადისის სია - რომელიც მნიშვნელოვნად ამარტივებს დაგეგმვის პროცესს და საშუალებას იძლევა, საქორწილო ფუსფუსში, რომელიმე მნიშვნელოვანი დეტალი არ გამოგრჩეთ.

მაშ ასე: 

• თქვენი დაკავშირების როგორ ფორმას აირჩევთ?
• ეკლესიურს (ჯვრის წერა), სამოქალაქოს (ხელის მოწერა) თუ ორივეს ერთად?
• როდის გექნებათ ქორწილი?

თუ წარსულში ქორწილები ტარდებოდა გვიან შემოდგომაზე და ზამთარში, დღესდღეობით ამ უკანასკნელს დიდი ყურადღება აღარ ენიჭება. დაგეგმეთ ქორწილის, თქვენთვის სასურველი თვე, დღე და საათი, თქვენი სტუმრების უმრავლესობის გათვალისწინებით.

• რამდენ სტუმარს მოიწვევთ  ქორწილში?
• რამდენს შეადგენს თქვენი ბიუჯეტი?
• სად გაიმართება წვეულება?
• სად დარჩებიან ის სტუმრები, რომლებიც არ ცხოვრობენ იმ ქალაქში, სადაც თქვენი ქორწილი გაიმართება?

გსურთ ტრადიციული საქორწილო ცერემონია, თუ რაიმე განსხვავებული?

• კლასიკური, ოჯახური დღესასწაული თუ თანამედროვე?
• დღის თუ საღამოს ქორწილი?
• სადილი, ოფიციალური ვახშამი, თუ რაიმე არაორდინალური?
• გსურთ თუ არა, სტუმრებისათვის მოსაწვევების გაგზავნა და როგორი იქნება მათი შემადგენელი ტექსტი?
• რამდენ ხანს გსურთ გაგრძელდეს საქორწილო წვეულება?

სად გსურთ, ქორწილის ჩატარება?

• ქალაქში, თუ მის გარეთ?
• ცნობილ, თუ პატარა, მაგრამ თქვენთვის მნიშვნელოვან ეკლესიაში?
• სად განახორციელებთ ხელმოწერას - რიტუალურ დარბაზში, თუ თქვენს მიერ შერჩეულ სხვა ადგილას?

და თუ ბუნებაში დაქორწინებას გადაწყვეტთ, სად იქნება წვეულება?

• რესტორანი
• სასტუმრო
• აგარაკი

ან იქნებ ეგზოტიკური ქორწილი გსურთ? და რატომაც არა საზღვარგარეთ?

ასე მაგალითად:

• რომაული, ჰავაური, ... ქორწილი;
• ქორწილი გემზე, თვითმფრინავში ან სანაპიროზე;
• ქორწილი სხვა ქვეყანაში.

ისევ და ისევ კარგად განსაზღვრეთ რამდენია თქვენი ბიუჯეტი?

• თითოეული სტუმრის საშუალო ღირებულება;
• მაქსიმალური ხარჯი, რაც შეგიძლიათ გაწიოთ მთლიანი ქორწილისთვის.

როგორ დააფინანსებთ ქორწილს?

• საკუთარი დანაზოგით;
• მშობლების დახმარებით;
• საბანკო სესხის მეშვეობით.

ვინ იქნებიან თქვენი მეჯვარეები/მოწმეები?

• თქვენი ნათესავები თუ მეგობრები?

რა ტიპის კერძებს შეთავაზებთ სტუმრებს?

• ტრადიციული სამზარეულო, რომელიც ყველას მოსწონს
• განსხვავებული და ეგზოტიკური საკვები
• შეფ მზარეულის პერსონალური მენიუ

რა ფერებში წარმოგვიდგენიათ ქორწილი?

• განიხილეთ ფერების გამა, რომლითაც წარმოადგენთ თქვენს დღესასწაულს, რადგან ეს პირდაპირ კავშირში იქნება საქორწილო ცერემონიისა და დღესასწაულისთვის განკუთვნილ სხვა ნივთებისა და დეტალების არჩევანზე.

რა სახის მუსიკა გსურთ ცერემონიის დროს?

• მუსიკალური ჯგუფი
• ორკესტრი
• Dj
• კლასიკური მუსიკა, ხალხური თუ პოპ მუსიკა?

და თქვენი ბედნიერი თარიღების კალენდარში, რომელი დღეებია მონიშნული?

ფოტო და ვიდეო გადაღება?

ერთ-ერთი ყველაზე მნიშვნელოვანი ნაწილი, რათა თქვენი ასე მნიშვნელოვანი, ერთ-ერთი ყველაზე დაუვიწყარი დღე, მართლაც დაუვიწყარად იქცეს და დარჩეს თქვენს მეხსიერებაში სამუდამოდ. როგორი სახის ფოტოსესიას ისურვებდით და სად?

და აი, თითქმის ამოვწურეთ სამზადისის ძირითად კითხვათა ნაწილი, თუმცა რა თქმა უნდა, კიდევ ბევრი დეტალია, რომელიც თქვენს გემოვნებაზე, სურვილებსა და ფანტაზიაზეა დამოკიდებული.

ავტორი ნინო ცქვიტინიძე