„Wedding Stars Awards” პირველი ქართული საქორწილო  დაჯილდოვებაა, რომელიც "The Biltmore Tbilisi"-ში, 2020 წლის 6 თებერვალს გაიმართება. დაჯილდოვების მიზანი მაღალი ხარისხის სტანდარტის ჩამოყალიბება და საქორწინო ინდუსტრიის საუკეთესო ნაშრომების წარდგენაა. დაჯილდოვებაში მონაწილე კომპანიები, სხვადასხვა კატეგორიის მიხედვით, 25-მდე ნომინაციაში გამოვლინდებიან.

Wedder.ge დაჯილდოვების ოფიციალური პარტნიორი და მედია მხარდამჭერია. საკონკურსო პერიოდის განმავლობაში, wedder.ge-ს მედია პლატფორმის საშუალებით, ეტაპობრივად გაგაცნობთ პერსონებს „Wedding Stars Awards”-ის ჟიურის და ექსპერტთა ჯგუფიდან.  უმბრიელი(იტალიის რეგიონი) შეფ-მზარეული ენცო ნერი "Wedding Stars Awards”-ის მრავალრიცხოვანი ჟიურის, ერთ-ერთი თვალსაჩინო წარმომადგენელია.

ლონდონში, დუბაისა და ნიუ იორკში 20 წლიანი საქმიანობის შემდეგ, ენცო ნერი, უკვე რამდენიმე წელია საქართველოში მოღვაწეობს.  განათლებით IT სპეციალისტი, კულინარიულ სკოლაში 29 წლის ასაკში დაბრუნდა და სფეროში პირველი პრესტიჟული სამსახური, მისივე მშობლიურ ქალაქში, რესტორან „Il Postale“ დაიწყო. მენტორის ძალისხმევით, მან მალევე განივითრა ტექნიკური და პრაქტიკული ცოდნა და ტრადიციული იტალიური სამზარეულოს, ახლებურ, მოდერნიზებულ გემოებს ქმნის.

“მზარეულობა არასდროს ყოფილა ჩემი ამბიცია, ის უბრალოდ საკუთარი თავის გამოხატვაში მეხმარება” – ამბობს იტალიელი შეფ-მზარეული, რომელმაც სხვადასხვა პერიოდში, რამდენიმე პრესტჟული ჯილდო მიიღო. ქართველი აუდიტორიის მასშტაბური ყურადღება, ენცომ პირველად განსაკუთრებული ხინკლის წყალობით მიიპყრო. მისი ხინკალი არა ხორცის, არამედ შოკოლადის იყო.

კონკურსის შესახებ დეტალური ინფორმაციისთვის, ეწვიეთ ოფიციალურ ვებ-საიტს: Wedding Stars Awards