თუ ქორწილს გეგმავთ და ჯერ არ გადაგიწყვეტიათ, სად გადაიხადოთ საქორწილო წვეულება ან სად მოაწყოთ ხელის მოწერის ცერემონიალი, ვფიქრობთ ჩვენი დღევანდელი ფოტოკოლაჟი, საბოლოო გადაწყვეტილებას მიგაღებინებთ.
ქორწილი სანაპიროზე - ეს არის ყველაზე განსხვავებული, ორიგინალური და ამავდროულად რომანტიული ქორწილი, რომელიც შესაბამისი სტილის, დეკორაციის და განწყობის წყალობით, დაუვიწყარი და ზღაპრული დღე და მოგონება იქნება. დამოუკიდებლად ქორწილის დეკორაციის წამყვანი ფერისგან, რადგან სანაპიროს ქორწილი, ერთნაირად იხდენს ცისფერ, ვარდისფერ, თეთრ და ხაკისფერ ტონებსაც.
სანაპიროს ქორწილი შეიძლება იყოს სტუმართა მცირე რაოდენობაზე გათვლილი, რაც მიმდინარე ეტაპზე ყველაზე ოპტიმალური გადაწყვეტილებაა. თუმცა შესაბამის პერიოდში, მრავალრიცხოვან ქორწილსაც წარმატებით "უმკლავდება" და მასპინძლობს.
სანაპიროს ქორწილი შეიძლება დაიგეგმოს, რესტორანში ან სივრცეში, რომელიც გადაჰყურებს ზღვის ან ვრცელი ტბის ხედს. ამ შემთხვევაში უშუალოდ ნაპირზე, ხელმოწერის ცერემონიალის მოწყობა შეგიძლიათ. თუმცა ამ ტიპის ქორწილის გადახდა, მთლიანად სანაპიროს ღია მონაკვეთზევეა შესაძლებელი. ქორწილის ინვენტარზე და დეკორაციაზე კი შეგიძლიათ არ იღელვოთ და ივენთ-მენეჯერებსა და დეკორატორებს მიანდოთ.
სანაპიროს ქორწილი, განსაკუთრებით ეფექტურია საქორწილო ფოტოგრაფიისთვის - ამ დღის კადრები, შეუცვლელი იქნება თქვენი საოჯახო თუ სოციალური ქსელის ალბომებისთვის.
სანაპიროს ქორწილის მუსიკას, ჰარმონიულად შეერწყმება ზღვის ხმაური, კაბების და თმების მსუბუქი შრიალი. წარმოიდგინეთ?... მშვენიერია. მეტი ვიზუალური რწმუნებულება კი იხილეთ ფოტოკოლაჟში:
Comments