ვფიქრობ ბოლო დროს განვითარებული მოვლენების და იმ აუცილებელი რჩევების გამო, რომლების შესრულებასაც ექიმები მოგვიწოდებენ, თქვენ უფრო გულდასმით მიუდექით თქვენს ჯანმრთელობასა და ჰიგიენაზე ზრუნვას - მაგალითად ხელის ხშირი დაბანა და ანტისეპტიკის ხშირი გამოყენება, იმისათვის რომ დაიცვათ თავი გავრცელებული ვირუსისგან. და ეს რა თქმა უნდა სწორია. ასე თქვენ კლავთ ბაქტერიებს, მაგრამ შესაძლოა ავნოთ რაიმე სხვას - ხელის კანს და თქვენს ნიშნობისა თუ საქორწილო ბეჭდებს. ამიტომ ჩვენ მოგიყვებით, თუ როგორ უნდა დაიცვათ თავი ბაქტერიებისგან ისე რომ არ დააზიანოთ როგორც ძვირფასეულობები, ასევე ხელის კანი.

მართალია თუ არა რომ ანტისეპტიკი უარყოფითად მოქმედებს ძვირადღირებულ მეტალზე?

სამწუხაროდ კი, მაგრამ არის რამდენიმე ნიუანსი. სადეზინფექციო საშუალებები ნამდვილად შედიან რეაქციაში ძვირადღირებულ მეტალთან და შეუძლიათ მათზე დაზიანებები დატოვონ. მაგალითად, შესაძლოა განვითარდეს დაჟანგვა, ზედაპირის დაზიანება და მეტალის გაცვეთა. მაგრამ ეს ყველაფერი შესაძლოა მოხდეს, მხოლოდ იმ შემთხვევაში თუ, თქვენ სითხის დიდ რაოდენობას იყენებთ და ისიც დიდი ხნის განმავლობაში. პატარა დოზებით სანიტაიზერების რეაქცია მეტალთან, თითქმის შეუმჩნეველი იქნება.

აქვთ თუ არა რეაქცია ძვირადღირებულ ქვებს სადეზინფექციო საშუალებებზე?

ამ შემთხვევაშიც პასუხი არის კი! ბევრი სადეზინფექციო სითხე შეიცავს აგრესიულ ნივთიერებებს, რომლებიც ასე თუ ისე შედიან რეაქციაში, როგორც მეტალის, ასევე ძვირადღირებული ქვების შემთხვევაში. ქლორი, მათეთრებელი, სპირტი, ანტიბაქტერიული საპონი - ყველაფერმა ჩამოთვლილმა შესაძლოა ბეჭდებს მბზინვარება წაართვან. ამასთან, სადეზინფექციო საშუალებებმა შესაძლოა შეასუსტონ ქვის სამაგრი, რადგან ამისთვის გამოიყენება თხელი ლითონის ფირფიტები და კბილები.

როგორ გამოვიყენოთ ანტისეპტიკები ისე რომ არ დავაზიანოთ სამკაულები

ყველაფერი საკმაოდ მარტივია, არ ღირს ჯანმრთელობისა და ჰიგიენის უგულველყოფა ბეჭდების გამო, მაგრამ არის ბაქტერიებთან ბრძოლის ისეთი საშუალება, რომელიც არ დააზიანებს თქვენს სამკაულებს. ისიც ასევე მარტივია: სანამ გამოიყენებდეთ ანტისეპტიკს და სხვა სადეზინფექციო საშუალებებს, მოიხსენით ბეჭდები, გამოიყენეთ ანტისეპტიკი და დაელოდეთ გაშრობას, არის კიდევ უფრო მარტივი საშუალებები: შეგიძლიათ არ მოიხსნათ ბეჭდები ანტისეპტიკის გამოყენებისას, უბრალოდ ეცადეთ ის არ მოხვდეს ბეჭედს. მაგრამ უმჯობესია ამ პროცედურისთვის მეტი დრო დახარჯოთ, ასე რომ მოიხსენით ბეჭდები.

თვითონ ბეჭდის გაწმენდაც ხომ საჭიროა როგორღაც?

ექიმები გვირჩევენ ყველა იმ ყოველდღიური გამოყენების ნივთების დეზინფექციას, რომლებსაც ჩვენ ხშირად ვეხებით მთელი დღის განმავლობაში, პირველ რიგში ეს არის ტელეფონი (ასევე აუცილებლად გაწმინდეთ ის, ყოველდღიურად), მეორე - ყველა სამკაული ხელზე, განსაკუთრებით ბეჭდები. მათი გაწმენდა რა თქმა უნდა, აგრესიული სადეზინფექციო საშუალებების გარეშე უნდა მოხდეს. საკმარისია ეს კვირაში ერთხელ გააკეთოთ. უბრალოდ დატოვეთ სამკაული თბილ წყალში, რბილ, თხევად ხელის საპონთან ერთად.

როგორ ვუშველოთ ხელის კანს

ხშირი ხელის დაბანისას, რომელიც აუცილებელია ვირუსის გავრცელებასთან ბრძოლისთვის, კანი შესაძლოა გაგვიუხეშდეს, რადგან ბაქტერიებთან ერთად, ჩვენ ვკლავთ ზედა, დამცავ ეპიდერმიას. ეცადეთ ხელები ძალიან ცხელი წყლით არ დაიბანოთ და არ გაიშროთ ცხელი ჰაერით, რადგან კანი არ გამოშრეს. არის კიდევ ერთი მნიშვნელოვანი წესი - ყოველი დაბანის შემდეგ, აუცილებლად წაისვით დამატენიანებელი კრემი.

მასალის ავტორი ნინო ცქვიტინიძე